親子活動︱擲彩虹無砸界被判「唔中」港男報警　數學名師曾拆解中獎機率

【冒險樂園/親子好去處/親子活動/擲彩虹】去年美國冒險樂園熱門遊戲「擲彩虹」出現「幣圈」爭議，事主質疑遊戲代幣大於綠色中獎圈範圍，一度報警求助，其後更向海關及消委會投訴，引起網上熱議。日前有港男在網上討論區分享一張相片，圖中所見，代幣擲在圈內極近黑邊位置，視覺上並冇「砸界」，但被經理判定「唔中」，港男嬲爆報警，後來另一位經理認為中獎，事件才得以解決。

最新影片:

港男在facebook「美國冒險樂園關注組」上載圖片並發文「請問這個中定唔中，對方話我唔中，大家點睇，已報警」，他指在屯門時代廣場冒險樂園擲完彩虹，代幣在紅色圈中，有一邊偏向貼近黑邊，但仔細看仍見到黑邊與代幣中間有紅色，即未有「砸界」。

▲ 從港男上載的圖片可見，未有「砸界」。(facebook「美國冒險樂園關注組」)

擲彩虹︱最後獲判中獎

港男被經理判斷為「唔中」，於是報警求助，港男並將照片上載到「關注組」，網民都力撐，「中！」、「係中喇，黑線都掂唔到」、「咁都唔中點先叫中？」、「仲睇到藍腳指……咁都唔叫中？」、「叫佢示範咩叫中」，後來另一經理到場，判斷為中獎，事件才得以解決。港男在留言區指「現時找了另外一個經理嚟睇，經理是中，事情已解決，多謝各位」

不少網民也認為這樣「好無癮」，「係咪以後中大獎一定要報警？」、「玩個遊戲都幾大壓力」。

早前因為「擲彩虹」出現「幣圈」爭議有玩家報警求助，其後更向海關及消委會投訴，事件更被《愛回家》作為劇情題材，由單立文飾演擲彩虹的港男，引觀眾發笑。

▲ 數學名師拍片拆解「擲彩虹」中大獎機率。

擲彩虹︱數學名師拆解「擲彩虹」中大獎機率

其後數學科補習名師Herman Yeung拍片講解相關題型，更形容「擲彩虹」中大獎的機率：「其實你中獎嘅機會率係0添架。」

Herman Yeung表示「擲彩虹」的藍色大獎部分看上去似乎頗大，但玩家需要投擲一個有一定面積的代幣入內，同時又不能觸碰邊界，意味着硬幣真正的落點並不是整個着色部分。

Herman Yeung畫圖說明指，以代幣圓心位置計算，如要擲中藍色區域，落點只有「一點」，代幣略高略低都會「砸界」，即使是黃色和綠色區域，其可能的落點亦只有「一條線」。

Herman Yeung更直言：

如果用數學角度嚟睇，一點或一條線嘅面積，我哋係當佢0添架。即係話其實你中獎嘅機會率係0添架。

他又表示，如果巧合的話，總有中獎的可能，但機率仍是「極度極度偏低」，更笑言：

開擲彩虹嘅公司應該係大賺，因為都無乜可能中到幾個大獎，最多中埋啲細獎，如果唔係你都唔駛旨意攞到嘢。

▼點擊圖片放大

+4

+3

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5